ಹೀಗೊಂದು ಸಣ್ಣ ಕಥೆ

ಒಂದು ಊರಲ್ಲಿ ದೇಹ ಅನ್ನುವ ಸಣ್ಣ ಮನೆ ಇರತ್ತೆ.ಮನೆ ಸುಂದರವಾಗಿ ಸಡಗರದಿಂದ ತುಂಬಿರತ್ತೆ ಹೀಗಿರುವಾಗ ಒಂದು ದಿನ ದೇಹ ಅನ್ನುವ ಮನೆಗೆ ಕ್ಯಾನ್ಸರ್ ಅನ್ನುವ ಹುಡ್ಗಿ ಬಾಡಿಗೆಗೆ ಬರತ್ತೆ.

ದೇಹಕ್ಕೆ ಮೊದಲಿಗೆ ಏನು ಅನ್ಸುದಿಲ್ಲ ಆದ್ರೆ ದಿನ ಕಳೆದಂತೆಲ್ಲ ಕ್ಯಾನ್ಸರ್ಗೆ ಬಾಡಿಗೆ ಕೊಟ್ಟಾಗಿನಿಂದ ಮನೆ ಬಡವಾಗ್ತಿದೆ ಅನ್ಸ್ಲಿಕೆ ಶುರು ಆಗುತ್ತೆ ಆದ್ರೆ ದೇಹ ತುಂಬಾ ಸಂಕೋಚ ಸ್ವಭವಾಧು ಅದು ಕ್ಯಾನ್ಸರ್ನ ಏನು ಕೇಳಲ್ಲ ಆದ್ರೆ ಇದೆಲ್ಲದರ ನಡುವೆ ಕ್ಯಾನ್ಸರ್ಗೆ chemotherapy ಅನ್ನುವ ಹುಡ್ಗನ ಜೊತೆ ಪ್ರೀತಿಯಾಗತ್ತೆ.

ನೋಡ್ಲಿಕ್ಕೆ ಸದೃಢವಾಗಿ ಸುಂದರವಾಗಿದ್ದ chemotherapy  ಮತ್ತೆ ಕ್ಯಾನ್ಸರ್ಗೆ ಮದುವೆ ಆಗತ್ತೆ.

ಕ್ಯಾನ್ಸರ್ ಸುಂದರ ಸಂಸಾರದ ಕನಸು ಕಾಣುತ್ತಾ ದೇಹದೊಳಗೆ chemotherapy ಯನ್ನು ಬರಮಾಡಿಕೊಳತ್ತೆ.

ತಿಂಗಳುಗಳು ಉರುಳತ್ತೆ chemotherapy ವಾರಕ್ಕೆ 3 , 4 ಬಾರಿ ಹಿಮೋಗ್ಲೋಬಿನ್, ಪ್ಲೇಟ್ಲೆಟ್ ಅನ್ನುವ ಹಬ್ಬದೂಟ ಕೇಳೋಕೆ ಶುರು ಮಾಡುತ್ತೆ, ಕ್ಯಾನ್ಸರ್ಗೆ ಹೊಡಿಯತ್ತೆ,ಕ್ಯಾನ್ಸರ್ನ ದೇಹದಿಂದ ಹೊರಗೆ ಹಾಕತ್ತೆ..

ಕ್ಯಾನ್ಸರ್ ಮೊದಲಿಗೆ ಒಪ್ಪಿದ್ರು ನಂತ್ರ ಬೇಸತ್ತು ಜಗಳ ಶುರು ಆಗತ್ತೆ.

ದಿನ ಕಳೆದಂತೆ chemotherapy ಯ ಆರ್ಭಟ ಜಾಸ್ತಿ ಆಗತ್ತಾ ಹೋಗತ್ತೆ ಹೀಗೆ 8 ತಿಂಗಳು ಕಳಿಯತ್ತೆ.

 ಒಂದು ದಿನ ಬೆಳಿಗ್ಗೆ ಎಂದಿನಂತೆ chemotherapy ಎದ್ದು ನೊಡತ್ತೆ ಕ್ಯಾನ್ಸರ್ ದೇಹ ಬಿಟ್ಟು ಓಡಿಹೋಗಿರತ್ತೆ chemotherapy ಕಾಟಕ್ಕೆ.

ಇದರಿಂದ chemo ಆಘಾತಕ್ಕೆ ಒಳಗಾಗಿ ಒಂದು ದಿನ ಹೇಳ್ದೆ ಕೇಳ್ದೆ ದೇಹವನ್ನ ಬಿಟ್ಟು ಹೋಗತ್ತೆ..

ಇವರು ಹೋದ ಸ್ವಲ್ಪ ದಿನಕ್ಕೆ ಆರೋಗ್ಯ ಐಶ್ವರ್ಯ ಅನ್ನೋ ದಂಪತಿಗಳು ದೇಹಕ್ಕೆ ಬಂದು ಸರ್ತಾರೆ ದೇಹ ಮತ್ತೆ ಸಂಭ್ರಮದ ಗೂಡಗತ್ತೆ.

ನೋಡಿದವರು ಹೇಳ್ತಾರೆ ಕ್ಯಾನ್ಸರ್ ಎಲ್ಲಿ ಹೋಯ್ತು ಗೊತ್ತಿಲ್ಲ ಅದನ್ನ ಹುಡ್ಕಿ chemotherapy  ಸುಸ್ತಾಗಿ ಫಾರ್ಮಸಿ ಅನ್ನೋ ಆಶ್ರಮ ಸೇರಿದೆ ಅಂತ.  ಇವತ್ತು ಕ್ಯಾನ್ಸರ್ ಮಾಯವಾಗಿದೆ , chemotherapy ಆಶ್ರಮ ಸೇರಿದೆ, ದೇಹ ಆರೋಗ್ಯ ಐಶ್ವರ್ಯ ದಂಪತಿಗಳ ಜೊತೆ ಸುಂದರವಾಗಿ ಕಾಣ್ತಾ ಇದೆ.